謝婷婷安志杰分手

謝婷婷安志杰正式分手

謝婷婷同安志杰曾經被稱為是天造地設的一對，拍拖四年幾，終於都劃上句號，宣佈分手。今日有報道指，安志杰因為當日推卻拍王家衞嘅《一代宗師》，結果由蔡少芬老公張晉冷手執個熱煎埋演馬三，人氣急升，令婷婷對安志杰感到好失望，覺得佢hea，仲成日掛住打機，因而分手，仲已經分咗兩個月。該報道指安志杰已經搬咗去伍允龍屋企、同婷婷分居，兩人對分手一事三緘其口。

謝婷婷安志杰正式分手

報道入面，杰仔透過經理人表示:「我同婷婷一齊呢四年幾嘅感情，已經劃上句號。」經理人又謂，大家都好珍惜呢四年幾相處時間，無論將來大家點樣發展，發生乜嘢事，佢哋都係好朋友，依家係，將來都係。」咦，呢句咁似之前超雲講同陳山聰分手咁嘅……。

謝婷婷安志杰正式分手

至於兩人情變因由，知情者話係呢兩三個月嘅事。原來安志杰向公司請咗個幾月假，準備同婷婷去美國出席家姐嘅婚禮，不過出發前，安志杰突然表示婷婷唔會一齊去，因為兩人感情出現問題，大家想喺呢段時間冷靜一下。而其實年幾前，安志杰曾經打算去啲山旯旮嘅小島舉行訂婚儀式，不過大家工作太忙都度唔到期，搞搞吓只去咗個短trip，唔夠時間見面，始終都係拍拖大忌。（蘋果日報）

謝婷婷安志杰分手 原文: 婷婷安志杰正式分手